曾比特亮上ViuTV無辜被網民寸返大陸搵人仔：有機會邊度都會去

曾比特（Mike）今日（3/3）現身尖沙咀出席《博愛歡樂傳萬家》記者會。提到早前亮相ViuTV節目《MM730 - 粉絲福利署》，被不少網民留言寸爆：「佢唔係搵人 仔咩?」、「730咪 阻人北上發達啦，阻人檔期，搵呢個嘉賓嘅，自己反省下啦！」 、「番tvb啦」 、「今晚一 見係佢即刻熄電視」。

Mike接受《香港01》訪問時無奈表示：「其實我就會咁樣諗，我作為歌手，我係好希望用我嘅音樂作品去感動到人，去話俾大家知曾比特係一個點樣嘅人。而我可以做到嘅係喺咩平台都好，透過佢哋令大家知道我嘅作品，我已經係好足夠。（平時有冇睇番言？）其實留言我已經好少睇，因為都開始好忙。（下次會唔會再亮相ViuTV節目？）我覺得係最緊要有機會邊度都會去，最緊要好玩又開心。（幾時北上再工作？）咁要問問身邊嘅同事先。（最緊要係唔好一個人上去做嘢！）咩都要問嘅，無論做咩都好，最緊要清晰。咁現階段都要公司安排。」