《中年好聲音》支嚳儀財力雄厚　法國城堡辦奢華婚禮倪晨曦做姊妹

《中年好聲音》12強參賽者之一嘅支嚳儀（Venus），本身是烘焙學校Bakebe的CEO，除香港外，馬來西亞同菲律賓亦設有分校。Venus同攝影師老公Jimmy育有一子Joji，Venus曾經表囝囝出細第三日就已經開工，喺屋企邊坐月邊與同事開會，雖然事業心極強，但見Venus不時在社交網分享家庭照，就足以證明佢兩者都兼顧得好好。

由IG照片所見，支嚳儀於家中客廳拍片唱歌時，亦會叫埋囝囝一齊玩，而佢家中客廳非常寬敞，聖誕節時亦有足夠空間放置巨型聖誕樹，而飯廳部分，放有一張大理石枱，除可大宴親朋友之外，亦曾經係囝囝舉行生日會嘅「樂園」。此外，Venus亦曾在家中衣帽間拍片，身後嘅名牌包包絕大部分為CHANEL。

37歲嘅支嚳儀，曾任職製片及NOW電視台嘅飲食節目主持人，婚前不時與老公去旅行嘆世界，二人2017年在法國城堡舉行婚禮，倪晨曦是姊妹團成員之一。囝囝出世後，更聘用兩位工作人姐姐照顧其起居飲食，足見支嚳儀財力十足。