陳家樂連詩雅下月舉行婚禮 過大禮龍鳳鈪勁有份量金器多到擺地下
撰文：胡凱欣
出版：更新：
陳家樂與連詩雅（Shiga）將於下月24日舉辦婚禮，早前出席活動時，陳家樂已經透露婚禮籌備得七七八八，兄弟及姊妹亦已經安排好。今日（26日）他和未婚妻Shiga在社交平台上載了一輯過大禮的照片，相中所見，龍鳳鈪足足有7對，還有各式各樣的金器，另外還有不同的海味籃、水果籃、椰子籃及唐餅等。
陳家樂今日過大禮。(ig@carlosbb)
陳家樂寫下：「準備咗幾日，今日終於過大禮，開頭以為好輕鬆，但原來都係緊張到訓唔到覺，好在兄弟多，今日著晒波衫唔踢波黎幫我做搬運工人。」
陳家樂話好彩兄弟夠多。(ig@carlosbb)
Shiga亦話：「還有不夠一個月，原來比想像還有多的準備功夫，所以真係好感恩有好多兄弟姊妹，愛惜我們既好友，客戶。心情係開始有點緊張既，先來個過大禮，辛苦一班兄弟姊妹們啦！」連詩雅早前亦與一班閨密舉行婚前的單身派對，看來二人對婚禮都十分期待。
相中可見龍鳳鈪足足有7對，還有各式各樣的金器，不同的海味籃、水果籃、椰子籃及唐餅等。(ig@shi_ga)
陳家樂亦回覆《香港01》有關他過大禮的金器之多：「因為我係英皇珠寶婚嫁系列嘅代言人，所以結婚當然係幫襯番英皇珠寶。公司亦都好好，俾咗個好優惠嘅價錢我，所以好多謝老闆、多謝公司。」