陳啟泰心痛亞視由盛轉衰 最嬲王征:佢搞到咁騎呢先令到個牌冇咗

撰文:吳子生
出版:更新:

前「亞視一哥」陳啟泰(Kenneth)日前(7/4)以嘉賓身份出席名車展活動。提及亞視在2016年4月2日不獲續牌,被迫終止本港的免費地面電視廣播服務,加上近年亞視不斷更換老闆,兼傳財困,Kenneth在接受《香港01》訪問時直言感到痛心:「亞視搞成咁,就係成日換老闆,做咗3幾年又唔做,之後又換一個。而家亞視最大件事就係冇咗個免費牌,如果拎得返搵老細就易得多。」

陳啟泰(Kenneth)日前(7/4)以嘉賓身份出席名車展活動。(葉志明攝)

Kenneth續說:「如果冇咗個免費牌,其實好多嘢都得個講字,我係好希望佢哋能夠攞返個牌,而我本身都有好多構思想喺電視度做。(你好想返去幫手?)其實係,始終我係有個心結嘅,係希望想返亞視幫手。(見證亞視由輝煌至衰落,有否何感受?)我係好心痛,本身亞視係有好多有才華嘅人,因冇咗亞視呢個台,導致人才流失,各散東西,變咗而家亞視嘅製作又少,又冇地方出,我見到咁我係心痛。」

陳啟泰見證亞視興衰感到痛心。(葉志明攝)

Kenneth見證着亞視興衰,直言感到憤怒:「我真係好嬲,而我最嬲嘅係嚟政總跳舞嘅老闆王征先生,因為係佢令到我哋亞視冇咗個牌,係因為佢搞到亞視咁騎呢,令到政府先攞返個牌,咁如果唔係佢,個牌可能仲喺度。電視最重要係個牌,搵老細都易啲,所以我對佢係有不滿,點解佢唔可以做好啲呢?而家我係好希望有新嘅老闆能夠打動到政府重發個牌,亞視就有救。」

對於亞視失去免費地面廣播服務牌照,陳啟泰直言對舊老闆王征感到不滿。(葉志明攝)
+12