漢洋和譚嘉荃相隔9年再度合體 為演唱會苦練舞技：骨頭硬晒
撰文：吳子生
出版：更新：
漢洋和譚嘉荃（Amy)相隔9年再度合體舉辦「滿漢荃音樂盛宴 漢洋x譚嘉荃演唱會」，為隆重其事，今日（12/4）於灣仔舉行發佈會。漢洋受訪時表示：「今次演唱會因為場地有限，只得一場，變咗我同Amy都有同一個諗法，就係唔想就咁輪住唱就算，加上以前都試過咁做，變咗今次我哋係特別安排咗一啲音樂劇俾大家，等大家唔只有歌聽，仲會有嘢睇唔會覺得閒。」
漢洋大讚Amy跳舞勁。（葉志明攝）
Amy接著說：「今次我哋喺演唱會上搞呢個音樂劇都算係一個突破，因為喺音樂會上面係會相對地少嘅。而我面對嘅困難係要夾佢跳舞，呢個先難，因為大家經常互相踩中腳，俾佢踩中都幾痛。」漢洋接著說：「佢跳舞好叻㗎，話晒佢以前都係女子組合B2，我而家啲骨頭都硬晒，點夠佢嚟呀！」
漢洋和譚嘉荃相隔9年再度合體舉行演唱會。（葉志明攝）