周永恆銷聲匿跡三年突被爆遭內地太太家暴 傷勢曝光頭部受傷見血

撰文:董欣琪
出版:更新:

周永恆2018年與內地女友陳薇(Britni)結婚,兩人育有一子,2019年12月周永恆被影到在尖沙咀與一名男子打架,他被捕時更雙手合十跪低向警察求情,自此他的生活變得低調,但Britni仍活躍於IG。今年2月有報道指Britni已刪除與周永恆的婚紗照及多張合照,因而傳出兩人婚變的消息,但日前填詞人因葵(陸謙遊)卻突然大爆周永恆疑似被太太家暴,更曬出多張他頭部受傷的照片,可見傷勢不輕!

周永恆2018年與內地女友陳薇(Britni)結婚。(IG圖片)

因葵日前在Facebook出Post:「無論你哋認唔認得圖中男主角,你哋覺得佢係乜嘢人唔重要,清官難審家庭事,但一個女人可以不停講大話,誣捏(誣衊)佢老公,仲要四圍唱畀佢老公啲朋友聽,話佢老公打老婆。呢堆相、whatsapp cap圖內容係今晚人哋老婆同我嘅對話,其他受傷照片,係佢老公早前入醫院嘅證據。」他又指當時周永恆剛做完腦部手術:「情緒病續漸(逐漸)好轉嘅時候,到個老婆發神經。其實有暴力傾向係個女人,或者有人會覺得抵死,但呢個朋友,我用咗超過三年時間同佢相處,你唔會估到佢其實係點。喺你哋眼中佢只係八卦新聞一則,但我見到佢今晚含冤入獄,我實在忍唔住。」

+8

因葵透露周永恆曾有情緒病,但現時情況已好轉:「我同佢之間一直研究宗教哲學健身音樂創作,佢的而且確曾經係有情緒病,但佢做咗腦科手術之後,係越嚟越進步,以前佢會喺我面前發洩情緒,而家同我傾嘅係佛偈,一個耶穌仔可以同我傾佛偈,如果佢真係呃我嘅,抵啦!唔好計佢以前自己私生活係點,呢一個世侄唔只係朋友咁簡單,佢可能係第一個令我發現自己有乜嘢弱點,令我進步嘅人,我曾經帶過佢去彼岸,然後又回到俗世。我而家只係想講一句:what doesn't kill me makes me stronger!」

周永恆過往劣績斑斑。(視覺中國)
周永恆曾寫一封信向趙頌茹道歉兼認錯,他讀出信中內容謂:「自己受不住誘惑偷腥,更瞞住你(趙頌茹),我知錯,不可以再犯,希望你給我最後一次機會,一起看著兩個女兒成長。」(視覺中國)

現年38歲的周永恆過往劣績斑斑,包括在2004年藏毒罪成判感化,同年又被爆與同模特兒公司助手兼拍檔的港視小花劉依靜(Ruby)有婚外情,他與前妻趙頌茹發生爭執,令趙頌茹面部受傷,因而被封為「世紀賤男」,他曾一度聲淚俱下讀出公開悔過書,自稱人渣兼鬧自己「賤格,鹹濕同貪玩」。離婚後周永恆曾與女團O.M.G成員黃芊詠(Cherie)拍拖,但又傳出糾紛不斷,Cherie聲稱被周永恆打,而周永恆亦承認有動手,但就指責Cherie發情慾短訊騷擾。後來周永恆與內地女子陳薇(Britni)拍拖,2018年奉子成婚,同年誕下一子。

+11