歌神張學友拒做歌唱比賽評審有原因 點名讚炎明熹唱得好

撰文:林迅景
出版:更新:

《馬時亨‧香港情》今晚(22/04)播出首集,由馬時亨做主持,張文新和張學友做嘉賓,節目中張學友透露自己原來有舞台恐懼,他說:「有次喺頒獎典禮後台,我同張國榮先生一齊出場,佢喺後面係震晒嘅,我諗冇人會相信係咁,我都唔相信佢會驚,但佢真係震晒,佢問我:『學友,出面啲觀眾係點㗎?』,你哋係唔會知道我哋好多時都係好驚。」不過更精彩內容原來在後頭!

張學友上《馬時亨‧香港情》擔任嘉賓,談及拍電影的原因。(《馬時亨‧香港情》截圖)
張學友指在當時,做歌做到感到迷失。(《馬時亨‧香港情》截圖)

點解張學友會拍電影?

張文新又問他為什麼成為歌手爆紅後,會向電影方面發展,張學友就直言是「被迫」的。他說:「第4隻唱片之後開始唔知點做,算係一個迷失期,尤其係到咗後期。當時好多十首歌之中,佢哋(唱片公司)目標只有一首或兩首,其他就係濫竽充數。我覺得基本上係一個致死原因。最後觀眾咪唔聽你囉。」他直言,由第一隻碟賣廿多萬張到後期《昨夜夢魂中》只得兩萬五千張,看着賣碟數未不斷下降而感到擔心。他說:「呢個世界邊有咁多神仙,係咪呀?其餘八首唔得你就玩完啦,一張唔得兩張唔得。」當時他成家立室需要收入,又正好有人找他拍電影,所以就踏入了電影圈。他說:「有人搵我拍戲,我就咩都接。」

張學友演技非常有特色。(《旺角卡門》劇照)

張學友不移民原因

訪談的最後,馬時亨問張學友覺得香港有什麼好的地方,不移民的原因。張學友就回答:「因為我喺香港出世,喺呢度大,有好多喺香港出世嘅人離開,但係我喺香港得到我嘅一切。我唔可以控制下一代點諗,因為每個人經歷唔同。講實話,今日,其實唔好講今日,我二三十年前已經講過,不如移民加拿大啦,考慮咗好耐,都係唔好。有一次我上到去加拿大領事館,當時話魁北克省最易,你去邊遞張表就得,去到坐喺度一諗,我以後面對都係外國人,嗰一下心情又頂唔順,又走咗。我諗我本身係裙腳仔啦,喺邊度就留喺邊度,呢個係對嗰個地方嘅感情。」

張學友解釋不移民的原因。(《馬時亨‧香港情》截圖)
張學友解釋不移民的原因,好感動。(《馬時亨‧香港情》截圖)

對於樂壇的動向,原來張學友也十分留意。他直言香港應該借鏡外國的模式,投放多些資料於音樂界,令這股音樂文化成為香港的軟實力。張學友亦表示,自己拒絕做評判不等於不鼓勵大家參加歌唱比賽。他也坦言有留意近年歌唱比賽出道的歌手,尤是是炎明熹,他更還點名讚炎明熹 「唱得好好」,不過他就指留意到炎明熹 爆紅後休閒不足的問題。他說:「我都係唱歌㗎嘛,有時都會見佢唱到冇氣。」