栢天男為環保身體力行 拍戲唔用即棄餐具：我會自備餐具開工
撰文：吳子生
出版：更新：
栢天男（Adam)今日（2/5）現身香港仔出席《Enough Plastic 不要膠下去》2023新聞發佈會。Adam鼓勵大眾減少使用即棄塑膠：「每年有超過42億個即棄購物膠袋被丟棄，如果每個人去購物嘅時候都自備環保袋，我哋就可以大大減少一次性即棄塑膠袋嘅使用。咁所以有時候我去片場拍戲嘅時候，我都會自備餐具開工，避免使用即棄膠餐具，減少一次性餐具嘅使用。同埋我有另一個身份就木匠嚟嘅，因為我得閒嘅時候，就會廢物利用會整傢俬，屋企啲餐枱同木凳都係我親手整嘅，可能我係男仔嘅關係，我係特別鍾意整呢啲嘢。」
栢天男透露即將為新電影開工。（葉志明攝）
栢天男今日現身香港仔出席《Enough Plastic 不要膠下去》2023新聞發佈會。（葉志明攝）