姜濤感謝RubberBand泥鯭提點 虛心接受批評：有唔妥當嘅地方
撰文：陳芷穎
出版：更新：
MIRROR成員姜濤日前在CHILL CLUB頒獎禮奪獎後，逐一對11位兄弟抒發感受，樂隊RubberBand鼓手泥鯭（黎萬宏）在個人Facebook炮轟姜濤得獎感言似「終身成就獎」，更發文嘲諷對方：「唱好啲歌先做呢啲小動作啦！」引來大批姜糖不滿，雙方粉絲在社交平台洗版式展開罵戰。RubberBand事後發聲明為泥鯭失言致歉，聲明表示：「在仍然堅信社會應要存在自由的言論空間的同時，我們亦深明表達手法、尊重不同聲音的重要性。」
泥鯭在個人Facebook炮轟姜濤得獎感言似「終身成就獎」，更發文嘲諷對方。（IG圖片）
點擊睇泥鯭留言：
+2
姜濤今日（18/5）現身個人演唱會記招時亦有回應事件，他感謝任何人對自己的提點：「尤其係前輩嘅提點，由入行到而家都提醒自己要虛心接受。無論係批評定唔同聲音，自己都有諗過有唔妥當嘅地方，所以會再做得好啲以後。」發表心底話卻被放大，有否因而覺得很大壓力呢？姜濤表示：「自己都唔係一個好完美嘅人，所以好多時做好多嘢，的確返轉頭睇嘅時候都覺得有唔妥當嘅地方，但都會秉持住真誠嘅心去表達想表達嘅嘢，只要喺唔傷害任何人嘅前題下，我以後都會去表達自己想表達嘅嘢。」
姜濤感謝任何人對自己的提點。（梁碧玲攝）