92歲黃夏蕙結婚35周年再披白紗 狂曬事業線：fit唔fit啊？
撰文：趙允琳
出版：更新：
夏蕙BB 以一身白色婚紗示人，身形好fit！（葉志明 攝）
92歲的黃夏蕙與老公潘炳烈今日（23日）於尖沙咀一家酒樓舉行盛大的「結婚35周年晚宴」，以一身白色婚紗示人的夏蕙BB身形fit到漏兼曬事業線，接受《香港01》訪問時笑言這條裙由自己親手設計：「你睇，fit唔fit啊？真係fit（過當年）！當年我身材可能仲肥啲。」
黃夏蕙與老公潘炳烈今日（23日）於尖沙咀一家酒樓舉行盛大的「結婚35周年晚宴」。（葉志明 攝）
她坦言從來沒有想過能夠與老公過到35周年：「冇諗過自己35年仲健存，我好珍惜每一日㗎，（同老公）日日都錫㗎啦！」夏蕙BB又表示，夫妻相處最緊要互相包容，有時自己因小事發脾氣都要忍：「唔好成日嗌交，最緊要大家容忍，互相了解。」
+2
夏蕙BB透露將會推出自傳電影《夏蕙傳》講述自己的一生：「由年青做到老，梗係要搵後生嘅演啦。」被問到有沒有心水的女演員，她笑稱會找自己的契女飾演，又稱讚契女靚過後生的自己。