愛回家｜Marco趙永洪否認內地拍劇好搵過無綫：只係內地機會多
撰文：吳子生
出版：更新：
前無綫藝人趙永洪（Raymond）昨晚（26/5）現身將軍澳電視城出席無綫節目《思家大戰》錄影。對於早前在抖音播出的節目《娛武會友》與一眾好友劉江、馮素波、魯振順等藝人接受訪問時，陳榮峻大爆在TVB的艱辛歲月，「我在內地工作 10日，等於公司一年的薪酬」，此話一出，引起網上熱議。
趙永洪重返良家無綫出席節目錄影表示感觸良多。（梁碧玲攝）
經常北上拍劇出騷搵人仔的Raymond受訪時表示：「乜有咁犀利咩，咁梗係唔係啦，只不過係內地機會多，而本身我係一位專業嘅演員同司儀，但我大部分收入來源係唱歌，加上而家開返關，可以兩邊走都幾好嘅。其實講開內地嘅製作，佢哋都好成熟，就好似我之前就拍咗內地一套網劇《唐人街探案2》，我真係見識到，例如我嘅景係喺泰國拍嘅，因為當時有疫情飛唔到去當地拍，佢哋就喺江門搵個地方就搭建個泰國景出嚟，相當認真。」
趙永洪今晚出席《思家大戰》節目錄影。（梁碧玲攝）