周吉佩憑《中年好聲音》走紅工作量倍增：少咗好多時間陪屋企人
撰文：吳子生
出版：更新：
周吉佩（吉吉）今日（29/5）現身尖沙咀出席《萬眾同心公益金》記者會。吉吉憑《中年好聲音》人氣火速爆紅，工作量倍增，他受訪時直言忙到無暇照顧家人：「而家絕對係少咗好多時間陪屋企人，因為好多時候要為工作不停練歌，變咗有時候我返到屋企，我都要匿埋喺間房度練歌作準備，呢個都無辦法，但我都盡量抽時間陪啲小朋友。就好似上個星期，我特登請咗半日假，因為阿囡啱啱考完試，所以就帶埋阿仔阿囡佢哋去玩咗大半日，仲要帶佢哋買玩具，佢哋真係好開心。其實咁樣反而我就覺得幾好，可以令到佢哋學會珍惜同屋企人嘅相處時光。」
周吉佩憑《中年好聲音》火速爆紅，工作量倍增。（陳順禎攝）
周吉佩今日出席《萬眾同心公益金》記者會。（陳順禎攝）