馬國明湯洛雯婚訊後首個情侶檔搵銀 靚湯用六字洩密婚禮檔期
撰文：許逸本
出版：更新：
馬國明湯洛雯宣佈婚訊後首個合體活動，二人情侶檔現身著名珠寶品牌開幕活動，未知是否太久沒一起亮相，馬明看上去明顯稍有緊張，二人接受《香港01》訪問時，透露正努力儲錢買樓，更打算買大一點，預將來小朋友可有自己的空間，而湯靚更以六字洩密婚禮日期！
馬明同靚湯好襯。（梁碧玲攝）
馬明同靚湯自公開戀情以來，一直愛得甜蜜，早已同居試婚的他們更自爆會以老公老婆相稱，羡煞旁人。今天（31日）馬國明湯洛雯齊齊情侶檔現身公開活動，接受《香港01》訪問時，湯靚大讚馬明好男人，對婚禮籌備好上心：「其實佢好好嘅，成個過程都唔係不聞不問，就算佢瞓得好少，好多台詞要背都好，佢都會間唔中問吓點啊呢排？o唔ok所有嘢，使唔使有啲咩真係要我幫手？但其實好多嘢我都處理到，咁我覺得佢本身都唔夠瞓啦，梗係賺錢緊要啦！」
今天（31日）馬國明湯洛雯齊齊情侶檔現身公開活動。（梁碧玲攝）
而靚湯同馬明的婚禮籌備進展一向神秘，不過湯靚受訪時六字洩密婚禮檔期：「都係海外辦婚禮（香港補擺酒？）呢個考慮緊，仲係從長計議緊，我哋會搞咗海外先（海外邊到搞？）呢個秘密嚟嘅，我哋都會今年搞，會話畀大家聽（而家好熱會唔會唔適合？）應該唔會咁熱。」
靚湯同馬明的婚禮籌備進展一向神秘，不過湯靚受訪時六字洩密婚禮檔期。（梁碧玲攝）
+4