全民造星5｜陳蕾宣布紅組告急 Hayson發脾氣網友認為係陰謀論
撰文：林得懿
出版：更新：
《全民造星V》進入第三回合比鬥，由於玩法有所改變（上回合band sound battle今回要跳唱，上回合dance battle今回合要唱歌），所以蕾安多芬組即時作出調動，但陳蕾亦向學員表示「紅組今round好危險」，On仔亦指Fung莎星辰嘅分組多樣化，所以比較有利。
蕾安重新小組人腳。
Fung莎亦重新佈陣。
話雖如此，但喺指定項目第1round對決時 ，蕾安B組以3比2贏Fung莎B組。 而當蕾安D組為下一round對決準備時，排舞如同遊魂一樣，Hayson仲因為突然「消失」而引起工作人員關注，之後發現Hayson喺後樓梯狂 撳手機，工作人員上前關心，只換來黑面Hayson嘅「 我整緊Wall底，安排緊人幫我影相」再問多幾句，Hayson索性話「無嘢呀」，唔知以為係工作人員得罪佢，而同隊嘅Hei亦直指「我哋唔係sell團結 ，係 sell團體 」。
KC唱歌都出事。
KaKit同Lyman都係擅長跳舞，一開口唱歌都真係幾出事。
陳蕾之後亦接示喺接觸Hayson較多後，發現佢無論處事同人際關係上比較唔成熟：「如果揀多次，未必會揀Hyson做隊長」。其實喺60強誕生時，當C Plus宣布退賽時，陳蕾即時喺復活區「執」Hayson出嚟，而呢位囝囝亦喊到收唔到聲，同今集嘅Hayson 判若兩人。
其實Hayson有問題可以向工作人員提出，而唔係而咁嘅態度去處理。
節目播出後，有網民認為節目似乎有意抹黑Hayson，又指Hayson同時處理 4件事，隊員冇問要唔要幫手，其後不少網民均指「內定呢round踢佢走」。
Hei話佢哋呢組係sell團體。
《全民造星5》10強名單流出?
早前有媒體率先披露10強人選，當中包括三位大熱，詳細10強名單詳情請看。
《全民造星5》王鋒改舞步事件詳情?
香港01為你準備好王鋒改舞步懶人包，有齊事件時間線。而早前，《全民造星5》終於播出王鋒解釋改舞步的因由，但有網民就唔收貨。王君馨、馮允謙回應就指出...詳情請看。