【Happy Monday】連王宗堯都係粉絲 90後美少女為救流浪狗出盡力

撰文:
最後更新日期:

熱辣辣的夏天活動,本應是留在家中涼冷氣、煲韓劇或者沙灘曬曬太陽。但是今次要介紹的女生阿Gi卻選擇身體力行,去毛孩守護者做一日拯救狗隻的義工。26歲的阿Gi本身在大學設計畢業後,至今一直有從事設計工作,而之前更有參與媒體主播及娛樂記者的工作。此外早前阿Gi更為《毛孩守護者》拍攝了一段籌款及領養的宣傳短片。雖然阿Gi的instagram或facebook follower不多,之不過心善則美,有愛心嘅女仔都會靚啲!阿Gi都算是另類的美少女。其實早在2年前阿Gi擔任媒體主播的時候,她就已經在高登討論區引起不少巴絲打留意。而阿Gi的Instagram 9000多個follower中,男神王宗堯Greg同蘇麗珊其實都有follow㗎。

一睇阿Gi個樣就知佢好鐘意狗仔。(林迅景攝)


「我之前冇參與過救狗嘅工作希望我自己做到啲嘢」出發前的小訪問阿Gi擔心的提到,她自己最怕的是阻礙到狗隻的救援工作還有幫不上忙。不過阿Gi亦有另一個擔心 :「唔知會唔會見到啲好慘嘅狗仔,死啦,我驚一陣會好唔開心。」當然,沒有親身見過流浪狗隻的情況的是不會想像得到。當天的第一隻需要拯救的是一隻有蒼蠅蟲問題的狗隻,據毛孩守護者創辦人阿Kent解釋,夏天是蒼蠅蟲病最多的天氣,一般狗隻患有蒼蠅蟲而不治理的話是不可能生存的。講到《毛孩守護者》,其實不得不提及義工阿Kent。阿Kent在毛守機構中已是「瞓身」在義工工作內,他日常的工作就是接到救助個案後前往救回狗隻並送到診所。阿Gi亦分享一段關於義工阿Kent的經歷 :「佢有個事績就係攞個鐵籠行左幾個鐘上山去救狗,佢真係好出力,完全成個人生都spent咗去。」

「阿Kent佢哋真係好犀利,我咩都幫唔到淨係幫到狗狗吹風扇。」阿Gi在事後分享中提到。原來看似簡單而做起來困難的工作,義工們每日都會遇到。

阿Gi instagram : https://www.instagram.com/ahgigiha/
Speacial thanks to 毛孩守護者:https://www.facebook.com/hkpgorg/

毛孩守護者籌款專頁:http://bit.ly/2r156Bz

過咗3個鐘之後,終於捉到隻需要緊急治療嘅狗仔。(林迅景攝)

阿Gi好耐心聽義工講關於狗仔嘅故事。(林迅景攝)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。