沈震軒陳欣妍情侶檔開健身中心 投資千萬：呢個係我作品
撰文：吳子生
出版：更新：
沈震軒（Sammy）和陳欣妍（Shirley）近日情侶檔投資開設的健身中心，今日（7/7）於銅鑼灣開幕，獲不少圈中人現身撐場，現場氣氛熱鬧。Sammy透露投資金額達8位數字：「其實呢個係我嘅作品嚟，咁所今次我係好比心機去搞呢個健身中心，我係好想每個人嚟到都感受到我嘅誠意。」Shirley接著說：「其實我為咗今次嘅開張，我都落咗好多苦工去操Fit個身型，你哋睇吓我個屁股，而我今日係特登着呢條裙俾大家睇，等大家知道呢度健身中心係可以操到該瘦嘅瘦，該大嘅大。」
恭喜做老闆！（陳順禎攝）
被問及最鍾意女性邊個部位？Sammy笑言：「我就覺得不論男女，操練過嘅PatPat真係好吸引，就好似我自己咁，我好鍾意007 詹姆斯龐德咁，佢着起西褲個屁股個線條係好靚。(女友PatPat是否合格？）哈哈，唔需要講，我費事講太多，不過我就知佢仲想追求多啲，哈哈！」Shirley表示：「無錯我仲想再好啲，我好想教練再狠狠咁鞭策我。」
黃百鳴都有現身！（陳順禎攝）
沈震軒和陳欣妍投資8位數字在銅鑼灣黃金地帶開健身中心。（陳順禎攝）