港姐2023｜候選佳麗王敏慈否認整容：有需要我都會去嘗試吓
撰文：吳子生
出版：更新：
無綫年度選美盛事《2023香港小姐競選》今日（10/7）於尖沙咀舉行記者會，安排17位入圍候選佳麗會晤新聞界。其中順利入圍的17號王敏慈（Lovelle)率先奪得網上投票選舉「一見鍾意佳麗」第三名心表興奮：「能夠得到呢個獎，係會能我更加有信心，咁所以之後我要做得更好，唔令大家失望。」
王敏慈否認有整容。（葉志明攝）
被問到外貌有否後天加工？Lovelle表示：「我冇呀，因為而家可以靠化妝同埋靠保養，而且我經常都會去美容院度做保養。（唔擔心日後被人將舊照作對比？）我覺得佢哋可以對比呀，但我覺得而家做嗰啲美容係好正常嘅，因為邊個女仔唔想自己變靚啲。（你會否考慮整？）如果我覺得有咁嘅需要，我都會嘗試去吓。」
17位入選佳麗會晤傳媒。（葉志明攝）