衛詩雅為電影新角色增肌做準備：搵咗教練一齊操
撰文：吳子生
出版：更新：
衛詩雅（Michelle）今晚（14/7）現身尖沙咀出席頒獎典禮。Michelle透露近來為ViuTv劇集密密開工，忙到沒時間休息，身形也消瘦了不少：「因為日夜顛倒，真係好唔夠瞓好辛苦，嚟近我又要為一套電影嘅角色做準備，事前好多工夫都要做，令到我攰上加攰，因為呢個角色對我嚟講係一個新嘅挑戰，我係從來未做過，而家我係搵咗個教練幫我做訓練，同我一齊操肌。但因為呢段時間我仲拍緊劇集，變咗我要連戲，咁所以我又唔可以操得勁，變咗喺呢段時間我只係慢慢提升自己嘅體力作準備先，而呢套電影預算會喺年尾前開拍，我仲有時間去增肌。至於呢個角色我係做乜，暫時我係唔可以話俾大家知住㗎。」
衛詩雅為電影新角色操肌作準備。（陳順禎攝）
衛詩雅今晚出席頒獎禮。（陳順禎攝）