謝霆鋒張栢芝同時現身澳洲驚傳復合　經理人開腔正面回應

近日謝霆鋒帶同大仔Lucas到澳洲滑雪旅行，霆鋒跪地教Lucas滑雪一刻，2人互動似足兄弟，而且側臉五官輪廓猶如餅印。同時間張栢芝亦身處澳洲被野生捕獲，隨即傳出二人復合消息，栢芝經理人罕有公開回應。

栢芝經理人Emily在youtube頻道突發拍片回應復合傳聞：「唔想之後有其他媒體youtuber等發大當真以為佢地復合。（咁佢地兩個其實有無復合機會呢？）有無機會？依家幾點呀差不多６點啦喎，瞓下覺先啦大家。（成日都傳佢地世紀復合）咁就緊係唔係啦，真係世紀復合佢地IG都會po相啦咁開心，佢地無PO過緊係假架啦，唔係當事人出嚟講好誇大嗰D，唔通瞓咗喺佢地床下底咩？」EMILY回應一事隨即衝上微博熱搜引起熱烈討論。