《中年好聲音》群星出席電影首映獨欠李思林 周吉佩揭最新情況
撰文：吳子生
出版：更新：
周吉佩（吉吉）今晚（11/8）與一眾《中年好聲音》戰友支嚳儀、羅啟豪、顏志恆、丁文俊等人現身圓方出席韓國電影《烏托邦浩劫》首映禮，但就唯獨不見李思林（Nancy）身影。吉吉受訪時表示：「其實今晚我就有刻意去問佢今晚嚟唔嚟，始終都知佢呢排都要處理佢細妹Coco嘅事，我哋都唔想去打擾到佢，想畀啲空間去等佢清靜咁去處理，相信佢遲啲會返嚟我哋《中年好聲音》大家庭。」
一眾《中年好聲音》戰友出席韓國電影首映禮。（梁碧玲攝）
問到Nancy在WhatsApp群組有冇聲氣時，吉吉表示：「佢有時都會覆吓，都會傾吓兩句，見佢心情都Ok嘅。就好似今日我哋成班慶祝8月份生日嘅朋友，Nancy都喺個group度同我哋講生日快樂。不過我哋係好明白佢而家嘅心情，我係好明白親人離別嗰種傷痛，咁所以我都有同二家姐（Nancy）要好好回復自己個狀態先，至於話出嚟玩同見面嗰啲都係後話。」
周吉佩希望李思林好好重整心情。（梁碧玲攝）