中年好聲音2｜陳慧嫻擔任專業評審 朝拍晚拍大感壓力：時間長
撰文：吳子生
出版：更新：
無綫大型歌唱真人騷《中年好聲音2》今日（12/8）於電視城舉行記者會，安排晉級的108位參賽者會晤新聞界。大會隆重宣布歌手陳慧嫻將加盟擔任專業評審，並統領第二季參賽者繼續發光發熱，承傳《中年好聲音》的音樂追夢精神。
陳慧嫻擔任《中年好聲音2》評審。（梁碧玲攝）
陳慧嫻統領第二季參賽者繼續發光發熱。（梁碧玲攝）
陳慧嫻在接受《香港01》訪問時表示：「其實時間長呢個先係壓力，因為要喺108個參賽者中，揀一個冠軍出嚟，呢個過程係好長。就好似廠景咁，要一朝早就要開始，然後係做到好夜，可以話係緊接住。始終我又唔係拍開戲嗰啲人，變咗時間長就係我嘅壓力。（有咩推動到你做呢個評審？）因為我覺得呢個節目好有意義，佢係鼓勵好多人，有夢想就一定要追尋，令到好多錯過咗機會嘅人，可以重新追夢。」
108位晉級參賽者。（梁碧玲攝）