【蘭花劫】倉底劇出土之謎 高層杜之克:做呢個決定好大膽!

撰文:
最後更新日期:

馬國明和黃心穎最近傳出緋聞,但今日只見黃心穎到場揀樓。(符祥定攝)

今日是TVB其中一個大日子,就是Big Big Channel宣布準備面世。無綫節目及製作副總經理杜之克先生打正旗號說要強攻年輕人市場,他多次以《不懂撒嬌的女人》為例,指此劇對於TVB嘗試將網絡與電視結合有不錯的效果,令他大大增加了信心,指未來TVB的走勢都係差唔多,仲話未來日子負責電視的手足要辛苦喇。

香香依然係咁靚...... (符祥定攝)

既然《不懂》反應咁好,又似乎適合年輕人口味,點解之後要將塵封10年的《蘭花劫》出土,緊接4K實景劇呢?杜之克就用了4次好特別來形容這個決定:「點解會播呢?我諗呢個真係一個好特別好特別好特別好特別的情況。我諗無綫做這個決定好大膽。(中間有冇熱烈討論這個決定?)何解10年期間冇播這套劇我就不評論啦,我們是有討論,都覺得這套劇是值得一睇。不過都要講返,就算係咁,未來都會有更多『類電影』的製作,去繼續令TVB走得更貼。」至於這個如此大膽的決定,是否如傳聞中所說,有關權力鬥爭?而有一套《蘭花劫》,又會不會有更多倉底見天?話口未完,杜之克說:「今日唔係講Big Big Channel咩?」都是不得而知了。

延伸閱讀:

11年前《蘭花劫》無綫免費台播 黃金時間硬食低清舊劇有咩意義?

【蘭花劫】田蕊妮入無綫處女劇終於出街 等足十年:我唔夠卡士?

高海寧現在是演技派,所以就算大騷都不性感了。

Big Big Channel是一個新的視頻平台,但不代表TVB放棄內地視頻網的市場。關於《不懂撒嬌的女人》沒有成功在愛奇藝上架,反而令《踩過界》跑出,杜之克表示:「其實內地人好鍾意睇港劇,但佢哋嘅口味都變緊,仲愈來愈廣,所以推邊套劇嘅時間,都要同相關方面有一大番討論。」他後來以《降魔的》為例,因為題材問題,都沒有成功進入大陸,但不是說口味不停變嗎?杜之克說:「所以話過,每次都會有詳細討論,口味方面,一直都係度拿捏緊。」他透露未來會再拍更多題材較偏鋒的劇集,既攻內地,又吸本地年輕觀眾。

 

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。