破毒強人｜馬貫東演杜飛演技網民大讚型爆：單眼皮係我優勝之處

馬貫東今日（17/8）現身油塘出席無綫熱播劇集《破毒強人》造勢活動。提到在劇中飾演毒販杜飛一角，盡顯暗黑一面，演技備受網民大讚。馬貫東受訪時表示：「其實喺我知道要演呢個角色嘅時候，我都有翻睇張家輝之前演過嘅嘅作品，其中有一個角色同我呢個角色係好相似，又係沉默寡言嘅古惑仔。而我知道自己本身係單眼皮，所以係比較難有眼神，始終自己個樣又唔係好惡，變咗我都有問監製點解要搵我做杜飛呢個角色，監製就話個樣成日好似諗緊嘢咁，有時候又好似唔係諗緊嘢咁，變咗有一種捉唔到嘅感覺。而杜飛呢個角色性格正正就係要令人猜唔透，咁所以而家單眼皮就係我優勝之處。」