袁潔儀曾任《今日睇真D》外景主持 難忘追訪天后導致亞視被封殺
撰文：鄺鈺瑩
出版：更新：
袁潔儀當年以19歲之齡參加亞姐。（影片截圖）
亞視出身嘅袁潔儀， 曾是公司力捧對象，除拍劇外，亦有主持兒童節目以及《今日睇真D》。
袁潔儀今年已經56歲，不過仲保養得好好。（網上圖片）
袁潔儀主持《今日睇真D》6年之久，日前她接受港台節目《安哥同學會》訪問時，分享了不少難忘事，當中包括新馬師曾家族爭產事件，袁潔儀當時負責追訪祥嫂。「都明知佢唔答，或者會推走你，但你都要照遞咪問佢，起碼鏡頭出嚟都係佢唔回應你； 仲有一次係訪問王菲，佢一落機好多人追訪，個個都遞支咪埋去 ，我唔知係咪身得高，遞得比較近，後來做完訪問，王菲發脾氣話以後唔做ATV訪問『因為個藝人無端端隊埋嚟，完全無禮貌』，但我自己隊都佢都唔知，因為當時太多人。」
《今日睇真D》曾是亞視皇牌節目，袁潔儀除追訪藝人外，亦會追訪時事新聞。（影片截圖）
袁潔儀入行多年，最難忘與肥姐沈殿霞合作，由於對方最憎人遲到，所以自己每次與她開工，都會比對方更早到場，袁潔儀亦透露自己嘅英文名「Kiwi」是由肥姐所改的，足見二人關係不錯。