【足總盃】無綫終於貼地　袁文傑現身講波好興奮：多謝大家想睇我

這次真的要讚無綫了，當昨日宣布免費播足總盃決賽後，已經有不少阿粉希望游先生（劇集《不懂撒嬌的女人》中飾演游俊傑的袁文傑），這位阿仙奴忠粉，可以在足總盃講波，想不到一向同網民有落差的無綫，今次醒咗！根據無綫公關表示，袁文傑將會以嘉賓身份，現身足總盃直播節目，仲要和叻哥陳百祥一齊主持，《香港01》當然即刻致電游先生祝賀一下，游先生都非常興奮，他說：「多謝大家想睇我，我好擔心到時我會失控，但聽有叻哥喎，大家可能仲想睇佢呢？」游生你太謙了，以你今時今日的氣勢，梗係想睇你多啲。