黑雨水浸︱盤菜瑩子自爆同導演「開房」？ 真相竟然係…
撰文：陳穎思
出版：更新：
香港昨晚（7日）開始下起暴雨，天文台於晚上11時發出黑色暴雨警告，多區出現嚴重水浸，交通大受影響，不少市民更有家歸不得，當中包括盤菜瑩子。凌晨3時她在社交網站出Post，圖文並茂自爆同導演開房，究竟發生咩事先？
盤菜瑩子竟然自爆床照！原來內有乾坤。（網上截圖）
盤菜瑩子在Instagram出Post，第一張相竟然係同《正義迴廊》導演何爵天瞓埋同一張床，仲寫話：「而家電影圈啲風氣真係⋯而家啲導演都係同啲演員瞓⋯⋯」，唔通要公開戀情？
現場係有咁多人嘅！（IG圖片）
但實情係同場仲有好多人，包括陳詠燊導演、胡子彤、朱鑑然及吳肇軒，盤菜瑩子續寫道：「兩個導演一個剪接三個演員因為一個百年難得一遇嘅黑雨因為撐完 @standupstoryfilm 場而返唔到屋企一齊租咗間酒店⋯」，原來係成班人睇完或演完舞台劇《說笑之人》，受暴雨影響而返唔到屋企，先一齊租酒店過一晚。