東方女神2023｜落選亞姐馬嘉韻9個紋身用遮瑕膏覆蓋：唔係我決定
撰文：吳子生
出版：更新：
《東方女神2023》選美會今日（12/9）於西貢白沙灣碼頭舉行宣傳造勢活動。現年27歲候選佳麗馬嘉韻曾經參加過2021年亞洲小姐選舉，曾因身上9個紋身成為熱話。今日她面對傳媒前，用遮瑕膏覆蓋身上所有紋身，但依然若隱若現，她受訪時表示：「其實要我用遮瑕膏遮住，呢樣嘢係大會想我咁做，唔係我想咁做，亦唔係我嘅決定，而我本身就冇話特別想去遮遮掩掩，其實喺十年前啲新聞報道都有講過我有紋身，咁所以都知我係有紋身，咁所以呢啲係隱瞞唔到大家嘅。（有冇參加過香港小姐？）我冇參加過，係因為我睇到佢哋啲規定，有紋身係唔可以參加，咁所以我就放棄咗冇報名。」
《東方女神2023》選美會今日（12/9）於西貢白沙灣碼頭舉行宣傳造勢活動。（梁碧玲 攝）
27歲候選佳麗馬嘉韻曾經參加過2021年亞洲小姐選舉，曾因身上9個紋身成為熱話。（梁碧玲 攝）
馬嘉韻用遮瑕膏將身上所有紋身覆蓋。（梁碧玲 攝）