JPEX｜洪永城3年前投資虛擬貨幣而家無眼睇︰當時好多人湧住開戶
撰文：吳子生
出版：更新：
黃翠如和洪永城（Tony）今日（22/9）齊齊現身金鐘出席理財產品活動。對於有多名藝人及KOL捲入虛擬資產交易平台JPEX風波，警方先後拘捕網紅林作及陳怡等人，涉款超過12億港元。而JPEX前代言人張智霖及介紹人莊思敏亦到灣仔警總協助調查。
洪永城和黃翠如出席財理產品活動。（葉志明 攝）
講到投資理財方面，黃翠如受訪時表示自己是一名保守型投資者：「其實我最大嘅投資一定係我老公，因為我堅持要佢每個月都畀家用我，仲要係現金嘅，然之後我就會喺呢叠現金入面再抽起2千蚊，當零用錢畀佢用。不過佢畀我嘅家用我係唔會攞嚟用，而係幫佢儲起佢。」
洪永城透露曾投資虛擬貨幣。（葉志明 攝）
Tony就表示自己係進取型，透露曾投資虛擬貨幣：「其實喺早兩三年前，已經好多人都好容易咁接觸到虛擬貨幣，而我都有買過，當時好多人都湧住去開戶，市面氣氛熾熱，我都係抱住玩吓嘅心態去投資。（有冇賺到錢？）之後冇睇呀，都係試吓玩吓咁，冇乜特別留意，都唔記得邊個戶口，連密碼我都唔知係乜。（成個交易平台戶口冇咗？）咁又唔係，都仲係度嘅，係可以搵得返，不過我冇理。（身邊有冇朋友買咗虛擬貨幣賺大錢？）通常佢哋搵到都唔會講。」
+2