鍾培生拳賽｜龍心為參賽回港被廉署拘捕落案起訴欺詐罪：今次捉蟲
撰文：吳子生
出版：更新：
早已移居英國生活的龍心，上月因為要備戰鍾培生拳賽特意回港，但被廉署拘捕落案起訴兩罪，指他在2020年參選立法會時，向選舉事務處提交申報書，涉嫌訛稱他因接受面部護理而招致選舉開支三萬多元，意圖詐騙而企圖誘使選舉事務處向他支付其申索。案件押至11月再訊，現保釋候審。
鍾培生在記者會上正式宣布「龍心」及早前因非禮未成年少女被判囚5個月的「劉馬車」對決。
今日（2/10）龍心以拳手身份現身大埔出席由鍾培生籌辦的拳賽記者會，就事件接受《香港01》訪問時說：「佢要告咪告囉，你知香港法律好精，咁所以秉公辦事係應該嘅。（驚唔驚為咗參加呢個拳賽離開唔到香港？）今次真係捉蟲，今次我係好大犧牲，之前我係諗唔到呢個問題，係我返嚟先知。（孭住呢單嘢就冇壓力？）咁梗係有壓力啦，因為一返嚟就畀人拉喎，真係唔『唔老黎』，我都唔知佢哋扣留我啲身份證做乜，我都冇辦法。」
龍心被廉署起訴，直言有壓力。（梁碧玲攝）
龍心回港參加拳賽，入境後被廉署拘捕落案起訴兩罪。（梁碧玲攝）
+1