宣萱工人姐姐放大假 自己清潔魚缸整死成缸魚：冇做好隔離
撰文：吳子生
出版：更新：
宣萱（Jessica) 今日（13/10）現身觀塘出席著名品牌活動。Jessica透露早前化身成工人姐姐在家裡打理家頭細務，意外將成缸魚弄死，大感心痛：「前一排我工人姐姐佢放假返咗菲律賓3個星期，變咗我就全職照顧我啲貓狗同埋魚，我就成功咗謀殺成缸魚，為數都有十幾條。點解會發生今次嘅事件，係因為我買咗一啲新嘅魚返嚟，而呢啲魚本身可能有病，而我又冇做好隔離嘅措施，就係咁令我深深咁上咗寶貴嘅一課。同埋呢3個星期做姐姐嘅體驗，真係感受到好多，唔好話做洗衫煮飯拖地，就咁照顧啲貓狗我都已經覺得好攰，咁所以做姐姐真係唔易做，姐姐係值得我哋致敬。」
Jessica早前化身工人姐姐，落手落腳做家務。（陳順禎攝）
Jessica今日出席品牌活動。（陳順禎攝）