何超鳳讚何超儀是好太太 默默照顧病重老公陳子聰：佢大個咗好多
撰文：吳子生
出版：更新：
早前何超儀接受Do姐鄭裕玲網上節目The Do Show訪問，首度詳細披露陳子聰病情，過程相當嚇人，指昏迷逾月險要截肢 ，還要開造口排大小二便。Josie自言照顧老公感壓力，曾試過哭過，但遭家姐提醒要保持冷靜，同時要注意衣着，免得被醫院拒絕探望。
何超鳳今晚出席慈善籌款活動。（葉志明攝）
何超儀接受鄭裕玲訪問，詳細分享老公陳子聰病情。(影片截圖)
今晚（13/10）何超鳳現身尖沙咀出席慈善籌款活動，就事件接受《香港01》訪問時表示：「超儀的確係一位好好嘅太太，亦都係一位好勇敢嘅太太，咁所以變咗佢有咩嘅需要，我哋都會盡我哋全力去幫助佢，發覺佢真係大個咗好多。（超儀在照顧子聰期間，有冇向你透露自己承受好大壓力？）佢係有，咁所以佢其實做咁Do姐嗰個訪問，我都戥佢開心，因為始終佢一個人自己咁樣承受，係一樣好困難嘅一件事。咁所以我覺得佢咁講咗，而大家都咁支持佢呢，對佢嚟講係一個好大嘅動力，令佢繼續照顧子聰。」
何超鳳大讚何超儀好勇敢。（葉志明攝）