【詭探】特技慳皮又飛紙仔 邵仲衡護航:唔好用睇大台標準去睇

撰文:
最後更新日期:

大佬孝邵仲衡稱《詭探》是刻意拍得市井和low tech,希望觀眾接受。

+8
+7
+6

ViuTV新劇《詭探》播了一個星期反應唔錯,大佬孝邵仲衡飾演的茅山師傅顧問司馬至全亦令觀眾十分受落,不過套劇播出以來口碑好壞參半,觀眾大讚題材新穎,但又彈製作馬虎特技慳皮。

邵仲衡接受《香港01》電話訪問時則為製作團隊講好話:「成套劇個tone都唔係想學荷李活或者韓劇,其實韓劇啲特技咪又係咁!《詭探》係做緊一種feel,一種砵蘭街、鴨寮街、濕漉漉,好low tech嗰啲感覺;你留意下連啲衫都甩色一撻撻。開頭仲想拍到《如來神掌》咁卡通式飛嚟飛去㗎!而家已經摩登咗好多喇!」有指《詭探》的外判拍攝團隊是拍電影出身,邵仲衡代為澄清:「有啲報道話製作團隊係電影出身,其實唔係,好似得製片同啲高層係電影出身,佢哋係一間production house,據我所知拍過廣告,有冇拍過電視劇就唔知喇!」

他又指拍這套劇有「飛紙仔」情況,但他覺得是好事:「其實只係結局嗰場戲飛紙仔啫,飛紙仔都有好多種,《詭探》結局係得一場有劇本,其他得分場,因為編劇改嚟改去,都係想改好啲,可能同ViuTV想開拍season 2有關,大家唔好用睇大台嗰種標準去睇。」大佬孝話《詭探》幾日前至煞科,所以仲未正式傾season 2,但佢話好大機會會繼續演,大家放心啦!

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。