【蘭花刼】蘇玉華都係第一次睇 10年後出土：當《大時代》咁睇！
撰文：溫菁莉
出版：更新：
睇到觀眾眼痛的TVB低清劇集《蘭花刼》，劇中演員蘇玉華、陳錦鴻及黃智賢等下午出席宣傳活動。勢估唔到原來蘇玉華都係第一次睇，「唔明點解10年後先播？」提到畫質太差備受批評，阿蘇就話，「咁的確佢係一部舊戲，我咪當睇《大時代》同《輪流轉》。」
《蘭花刼》劇組與香港善導會合作，希望一眾演員關懷有需要人士。(溫菁莉攝)
+3
阿蘇指撇除視覺技術上的問題，劇情係十分值得收看。但現實是殘酷的，因為《蘭花刼》上星期首週收視平均只得18點，阿蘇指一向對收視都唔關心，「演員做好自己本分就得，佢幾時播邊度播，我都決定唔到。」而劇中因曱甴大特寫收到廣管局投訴，阿蘇聞言後霸氣地表示，「無見過曱甴咩，現實生活都有曱甴㗎。」真係完美K.O一班觀眾。
而阿蘇早前就拍攝完TVB劇集《平安谷之詭谷傳說》，她提到工作表已排到明年，至於離巢是否屬實？阿蘇表示，「與TVB的合約至到今年11月，仲未決定之後嘅去向。」
陳錦鴻就話仔仔慣咗早訓，所以未有睇《蘭花刼》。(溫菁莉攝)
阿蘇都係第一次睇，就連陳錦鴻都係，他表示播到出街係一種bonus，「原本以為佢唔會播，咁播到當然好，俾多啲觀眾睇到我地好俾心機做嘅劇。」仲話唔會擔心收視，「宜家咁多人睇，起碼都有觀眾睇。」提到近年咁多前輩級演員回巢TVB，同樣係有好多經典作品嘅陳錦鴻透露與HKTV仍有合約，「我份約至到出年2月，等完左先算。」