孫慧雪6歲大仔40度高燒1星期 腺病毒入院：傳染性極高酒精殺唔死
撰文：洪曉璇
出版：更新：
上月宣布離巢TVB的孫慧雪，曾表示想抽更多時間陪伴照顧兩名兒子，平日經常在社交網分享育兒日常，未料到近日傳來壞消息，大仔Riley高燒足足一星期，入院證實患腺病毒令人擔心。
孫慧雪離巢後以兩名兒子為先。（IG：@SNOW711）
孫慧雪不時分享親子趣事。（IG：@SNOW711）
孫慧雪的大兒子已6歲，活潑可愛。（IG：@SNOW711）
近日不少幼童患病，醫院床位緊絀，孫慧雪大仔18號開始感到不適：「本來參加緊童軍活動，佢突然有少少面青口唇白，然後同我講佢肚痛無胃口仲想嘔，因為有少少感冒症狀+肚痛，2種症狀以上，所以醫生即刻判斷出佢係病毒感染，不過當時未知係邊一種病毒，當晚佢就開始發燒啦，到咗第三日佢突然發冷高燒唔退，我哋就即刻送咗佢去醫院，醫生一見到佢，就判斷出佢係腺病毒，要即刻安排入院，化染嘅結果亦顯示佢真係中咗腺病毒。」
孫慧雪大仔因腺病毒高燒一星期入院。（IG：@SNOW711）
阿雪猶有餘悸提醒家長：「呢隻病毒傳染性極高，酒精殺唔死，如果中咗，病期亦都好長，亦會反覆感染！入院嗰晚佢燒到40.4度，真係好彩我哋有送佢入醫院，醫生安排佢吊鹽水，打點滴，入面有抗生素，仲定時俾退燒藥佢，今日已經係住院嘅第四日啦！精神好咗好多，但係都會突然又燒返！所以仲未可以出院！如果小朋友發燒幾日都未好，家長們真係要留神呀！」
孫慧雪提醒家長要多加留神。（IG：@SNOW711）