馬國明娶湯洛雯交足誠意過大禮極壯觀 巨型龍鳳鈪金豬：流星錘咁
撰文：邱愛霖
出版：更新：
準人妻湯洛雯及馬國明婚期在即，靚湯出席活動不免被問到未來老公，期間大爆原來馬明不懂操作洗衣機。雖然公開「投訴」馬明，但靚湯臉上依然難掩甜蜜，相信之後靚湯都不介意為未婚夫洗衫寵壞對方。
馬明同靚湯婚期將至。（梁碧玲攝）
不知不覺已就快到12月，靚湯今日（29日）於社交平台曬出過大禮照片。湯洛雯開心地同聘禮物品合照，最顯眼的必定是靚湯前面的巨型龍鳳鈪及金豬，連靚湯都不禁表示：「咁大個女第一次見到好似流星錘咁嘅龍鳳鈪，仲有好多隻豬豬🐷 好靚好壯觀😍」而喜餅仲有四大盤，「啲餅有成四大盤多到食唔晒派唔晒🤣 而且啲盤聽講係傳承落嚟，好意頭好意頭」，可見馬明為娶靚湯入門交足誠意。
馬明與靚湯、黃嘉樂夫婦以及林子善一家三口齊齊團拜。(黃嘉樂ig)
靚湯當然不少得感謝未婚夫同一班兄弟姊妹，「又一項完成❣️✅原來過大禮係咁複雜嗰日係有少少呆左😲不過好多謝馬生嘅疼愛同各位兄弟姊妹嘅幫手。任務順利完成」連高海寧都留言驚嘆：「嘩～ 張相裝唔落啦！果然係過大禮！」
靚湯晒過大禮照。（IG圖片）
靚湯晒過大禮照。（IG圖片）
好壯觀。（IG圖片）
好壯觀。（IG圖片）
好Sweet！（IG圖片）