【詭探】神婆楊偲泳因離世爺爺而紋身：細個覺得佢係唯一依靠
唔知大家大家有冇睇近排ViuTV播嘅《詭探》。劇中除咗邵仲衡、尹揚明或者車保羅等經歷的演技派外，其實仲有好多新演員亦都十分突出。劇中飾演「神婆」警員的楊偲泳（Renci）憑住「傻更更」的演技，令她更顯得突出。
拍攝《詭探》之前，楊偲泳（Renci）都有因為神婆這個角色而去做資料：「我有去廟街睇真正嘅神婆，幫人哋占卜嗰啲，即係收你500蚊睇一睇你個樣嗰種。我有睇佢哋講嘢嘅神髓表情，一種係好浮誇，有啲就好淡然嘅。」Renci在訪問中還説了，其實需要因應情況而有不同演法。劇情與自己角色無關的時候可以浮誇一點。Renci仲透露咗到《詭探》尾聲時佢個角色仲會死添！
其實Renci演戲咁好，唔多唔少都要多謝教過佢演戲嘅幾位老師。其中影響她最深的，莫過於是黃秋生及甄詠培：「我俾佢哋狠狠地鬧過一場。一開始上堂嘅時候。我覺得有啲小聰明，叫我做咩，我做多啲俾佢就覺得自己好叻。但係唔係囉，佢哋反而覺得太刻意。」
「我好記得有一日落咗堂，成個人好似崩潰咗咁樣，我係零我係垃圾。」
不過Renci在這10天的大師級演戲訓練班內，慢慢地不斷磨練自己。她直到現在演戲或工作時，也會記著兩位老師的教導及訓示。除此之外，另一位影響得Renci最深嘅就係佢已經離世嘅爺爺。紋身更是因為爺爺離世之後而引起的諗頭。
「其實係有2個嘅，一個係星球，一個係量子。都係有星麈圍住，咁就用咗我爸爸媽媽生日日子。嗰陣時我爺爺過咗身，嗰時我覺得我好想留住一啲嘢。咁我就先整咗爸爸媽媽嗰2個先，之後再整爺爺嗰個。想有個感覺，無論我去到邊，佢哋都係我身邊。」（代表爺爺嘅你想紋咩圖案？）「我有諗過紋一條鯨魚，後面加一個星球。」
每個人對離世的親人都會有一個深刻的回憶，Renci亦都不例外。她憶述，其實小時候十分喜愛落街打波，因而忽略學習被媽媽訓話，當時唯獨爺爺會為她解釋調停。Renci仲話：「嗰時俾我感覺仿係唯一會支持我嘅人。某程度上佢對我嚟講就係一個依靠，即係有咩事就係「唔緊要，就算天下嘅人都放棄你，爺爺都唔會拋棄你」咁樣。」