傳周柏豪內地兩首歌酬70萬 問及要否上繳老婆頭都痕埋13字回應
撰文：吳子生
出版：更新：
周柏豪今日（29/12）現身將軍澳電視城出席無綫新劇集《旁觀者》宣傳造勢活動。對於早前有指他在深圳一高級酒店為婚禮擔任表演嘉賓時，只演唱了《我的宣言》和《最好不過》兩首歌，出場費為70萬人民幣（約74萬港元），引起網上熱議，周柏豪亦有回應。
周柏豪和王敏奕今日現身將軍澳電視城出席無綫新劇集《旁觀者》宣傳造勢活動。（葉志明攝）
周柏豪吸金力驚人，有指他在內地出騷唱兩首歌收70萬人仔。（葉志明攝）
柏豪就事件接受《香港01》訪問時笑言：「大家唔好咁在意個數字真定假，同埋我又唔係日日去做呢個工作，咁我又要做演唱會同埋拍劇，咁亦要照顧屋企人，如果你話一年365日都係做呢一樣工作，咁就梗係開心啦，咁但係而家唔係，我都係開心嘅。因為我接觸唔同嘅嘢，都係我必須嘅工作，同埋開心嘅係喺現場見到一對新人，係因為喜歡我而去邀請我去出席，同埋最重要係我同一對新人中間，我哋係有共同嘅朋友，並唔係貿貿然咁樣出席，並唔係因為歌酬而出現嘅。（有錢都請唔到！）咁梗係啦，但有陣時唔使錢都會請到，咁所以冇一個準則，哈哈。（使唔使上繳畀老婆？）哈哈，點解你喺度問，原本唔使，俾你撩到有，原本我諗住有啲私己錢留低，俾你講一講，而家咩都要充公。」
周柏豪忙於做演唱會同埋拍劇。（葉志明攝）