43歲性感人妻預告全面復出拍劇：阿囡而家開始大
撰文：吳子生
出版：更新：
張美妮昨日（8/1）現身西貢出席無綫新劇《戀上西沙》開鏡拜神儀式。張美妮透露對上一次拍劇已經是兩年前，對於今次能再次拍劇感到萬分興奮：「其實今次可以話係逐步復出，因為阿囡而家都開始大，而佢下年都開始讀小學，仲要係返全日，咁變咗我咪好寂寞。咁所以而家如果有啲適合嘅工作，我都會慢慢開始去做。（老公俾唔俾？）我諗佢會畀嘅，我諗佢怕我到時黐住佢，佢咪仲覺得麻煩，咁同埋佢都鍾意自己嘅老婆多啲出去做嘢，做返一啲自己鍾意嘅工作，成日都有人講，個太太開心全家人都開心。」
張美妮表示準備全面復出拍劇。（梁碧玲攝）
對於在劇中飾演炎明熹的母親，張美妮表示：「其實當我一聽到要做佢嘅媽咪，我覺得好得意，因為過往拍劇我都未試有一個咁大個女。但屈指一算，如果自己早啲生，都會生得出嘅。而我接到呢個角色之後，令我可以幻想將會我個女好似炎明熹少女嘅時候，同佢相處會喺點呢？變咗令到我好想透過呢套嘅劇集角色，去感受吓呢種感覺，可令我預演一下，都幾過癮㗎。」
張美妮今日現身西貢出席《戀上西沙》劇集開鏡拜神，海俊傑、炎明熹、監製林肯及麥玲玲亦有出席。（梁碧玲攝）
+5