周柏豪同澳洲模特兒撞樣　激似程度被評：點睇都係本人嚟！

模特兒出身的周柏豪chok一chok就已經好型仔，近日有網民發現一個來自澳州的模特兒唔止同柏豪一樣咁chok，望真啲兩人仲好似樣。這個名叫Paula的模特兒今年約21歲，已經入行6年，最初是化妝和fashion學生的考試模特兒，後來就開始自己尋找工作，在Facebook聯絡攝影師和其他藝術家拍攝。

睜大對眼一樣好似。（黃國立攝，Instagram圖片）

有網民就開玩笑話柏豪之前的衛生巾廣告，原來自己都啱用。（網上圖片）

Paula平時影相好放，曾經擺不同的表情、動作，有幾張相chok chok下就唔小心變咗柏豪，好似最上面張相咁，第一眼的感覺超像，微微下垂的眼角、高高的鼻子、輕輕張開小嘴，連「比比鳥」髮型都好一致。

網民見到都留言話兩人激似：「我以為真係周柏豪」、「點睇都係本人黎（嚟）」、「化左（咗）妝都仲睇得出係柏豪，呃唔到我」，又有人貼上柏豪之前的衛生巾廣告，笑言：「終於用得着」。