許廷鏗扑槌簽華納做一哥? 衛詩爆公司簽多咗個「周柏豪」

撰文:陳奕熙
出版:更新:

由星夢和TVB一手捧紅的許廷鏗(Alfred)上月完約回復自由身,早前一直有傳Alfred打算過檔華納取代周柏豪做「一哥」,後來又指因為Alfred改變主意想自組公司,只打算將歌曲發行交給華納,搞到華納要叫停計劃。

另一邊廂無綫又因為「方丈」性格想全面封殺Alfred,早前公布的《2017勁歌金曲優秀選第一回》的候選名單中,62首候選歌曲居然沒有原是優秀選常客的Alfred。

Alfred幾時會正式宣布好消息呢?(Instagram圖片)

做歌手其實都係打工仔一個,約滿要諗跳糟,新公司唔知信唔信得過,得罪舊公司又驚返唔到轉頭,掙扎了成個月的確好愁。Alfred昨日突然在Instagram甫上一張寫住「Life is 10% of what happens to you and 90% of how you react to it」的圖,這張圖似乎是朋友傳給Alfred的,而他收到圖後感覺就似是想通了什麼一樣。剛好今日有消息傳出Alfred日前終於扑槌簽約華納,若果消息是真的,係咪以後都再聽唔到Alfred唱劇集歌喇?

這張圖充滿了大道理。(Instagram圖片)

之不過Alfred到是否夢想成真做「華納一哥」還是未知之數,事關「同門師姐」衛詩今日出活動時,就爆料公司新簽了兩個新人,一男一女,男的那個更傳聞和周柏豪有幾分相似,唔知這位翻版柏豪會否先過Alfred成為華納的力棒歌手呢?

衛詩雖然未知Alfred過檔,但就知道公司多了兩個新人,有個仲同周柏豪好似樣。(梁碧玲攝,資料圖片)