陳榮峻夫婦力撐李龍基未婚妻：話佢攞李龍基啲財產，全部都係假
撰文：吳子生
出版：更新：
陳榮峻和太太吳香倫今日（19/1）現身將軍澳電視城出席無綫處境喜劇《愛·回家之開心速遞》宣傳活動。對於好友李龍基的未婚妻王青霞（Chris）被質疑學歷造假，同時被爆曾美國徵婚借錢後失蹤，事件引起全城嘩然。
陳榮峻接受《香港01》訪問時表示：「我哋睇到呢啲新聞，一笑置之，因為一早知道係假（指新聞）畫係真畫，而啲花邊新聞係假嘅，例如話攞佢啲財產，全部都係假。（因為李龍基未過啲樓畀佢？）呢個唔知，絕對唔係話坊間傳想佢死，同埋霸佔佢啲身家。而據我所知，基哥嘅大女同基哥未婚妻都一齊食飯，相處得好融洽。
陳榮峻和吳香倫不相信王青霞造假學歷。（陳順禎攝）
提到有網民發現Chris曾在社交網出示學歷學歷及大學學費單錯漏百出，直指造假。陳榮峻表示：「作為朋友絕對相信對方。（有冇慰問李龍基？）我哋成日都見面。」而身邊太太吳香倫表示：「啲人鍾意亂咁講，亂咁寫，佢哋都係一笑置之，大家都唔會覺得係咩一件事，因為我哋知道佢哋兩夫婦感情非常之好。」
陳榮峻和吳香倫結婚3周年獲王青霞贈送畫像作賀禮。（陳順禎攝）