郭柏妍出po幫洪嘉豪新歌宣傳 慘被網民追擊留陰影：唔敢講太多
撰文：吳子生
出版：更新：
郭柏妍（Rosita）今日（26/1）現身將軍澳電視城出席《慈善星輝仁濟夜》項目排練。提到早前日日在IG story為歌手洪嘉豪宣傳新歌，引起網民關注，有網民質疑二人正在拍拖。Rosita接受《香港01》訪問時否認拍拖：「我而家單身，同工作拍拖。而我本身係唔認識佢，只係鍾意聽佢啲歌，同埋我明白到做唱作人一啲都唔容易，過程係好辛苦，又會怕啲歌冇人聽，變咗我先幫佢喺限時動態度幫佢宣傳吓。但事後好似搞到佢，要佢為我哋之間嘅關係澄清，我覺得真係唔好意思。」
郭柏妍，羅毓儀今日出席仁濟項目綵排。（陳順禎攝）
Rosita續說：「其實呢件事之後，我係好怕影響到洪嘉豪，因為本身佢係想宣傳佢嘅演唱會，但到頭來就要幫我回應，搞到我好似喧賓奪主咁，所以我就覺得好唔好意思。（洪嘉豪靚唔靚仔？）我已經唔係話一定要唔要靚仔⋯（唔係講擇偶條件！）哈哈，其實我對於靚唔靚仔已經冇一個概念。（佢啲歌好唔好聽？）ok啦。（只係Ok？）我唔敢講太多，因為我驚畀人追擊我。」
郭柏妍否認認識洪嘉豪。（陳順禎攝）