【Happy Monday 】最靚設計師Lilian Kan:美麗嘅外表絕對係幫助

撰文:
最後更新日期:

星期一見工,如果女Boss係Lilian Kan的話...(林迅景攝)

英國人有時將星期一稱為藍色星期一、憂鬱星期一(Blue Monday)。英語中的「Blue」除了有「藍色」的意思外,也有「憂鬱」的意思。 「藍色星期一」意指人類在星期一總會感到特別憂鬱,心情亦比較低落。大概因為星期一是每個星期日過後的第一個工作天。在這天人們要收拾之前假日的愉悅心情,重新面對工作接受壓力,故此一些比較眷戀假日的人,就會覺得星期一相當難過。-維基百科
所以呢,為咗各位都有個開開心心嘅一日,每個星期一都會不同嘅主題娛樂吓大家,希望人人都有個【Happy Monday】。

好多人都鍾意Lilian Kan。除咗佢人靚,更多係因為佢嘅設計夠靚。(林迅景攝)

「時裝設計師」及「模特兒」,很少人可以有能力將這2個特性應付得這麼好。而當你在網絡上問起誰可以的話,十之八九會答你:Lilian Kan(簡幗儀)。

Lilian Kan 本散文7月就出啦,係咪好期待呢?

講真,每個認識Lilian嘅人(最起碼男人會係),一定會係先注意到佢嘅靚相先。但係唔講唔知,理大時裝及紡織系碩士畢業之後嘅佢,為咗可以隨心設計衫時裝,仲自己開咗一間工作坊自己做老闆設計時裝、賣花同幫客人影靚相。如果你Google搵「LilianKan」或者「簡幗儀」的話,隨便都會彈出過百張佢嘅相。雖然大多數人在初期可能會將她現在識業的與模特兒混淆,但是Lilian對此卻有另一樣看法:「又唔會喎,因為全部人介紹我都唔會講模特兒,或者係artist。佢哋一定會講我係一個設計師。呢樣嘢我從來冇擔心過,同埋每一個artist或者model都會有自己個性,我反而覺得我呢個character係呢行入面幾出,所以(定位)一啲都唔會模糊嘅。」

+9
+8
+7

其實過往2年,Lilian一直都有出版散文寫真這類型的書。內容除了相片外,亦都有大家愛看的散文。今年都唔例外會有一本在7月書展推出,但是她在訪問中表示,今年的散文寫真是最後一次了:「呢一個類型嘅書我出到今年就唔會再出散文寫真。其實記錄咗我呢個時期,就係一個會影相嘅時裝設計師。入面記錄咗一啲關於我嘅嘢,design吖、創意同埋對人生嘅睇法。過多呢幾年,都未必會影呢一類嘅相。之後都會fashionable或者lifestyle啲,而唔係自己個樣去做張相嘅重心。」睇嚟今年係最後一本有散文寫真,真係可惜。

係咪好想要呢...個菠蘿。

我靚唔靚其實見人見智,呢樣嘢其實好主觀。但係當大部份覺得你好睇嘅時候,絕對係一個幫助嚟嘅。

Lilian Kan個studio真係好靚。 (林迅景攝)

其實當每個人都注意Lilian Kan的外在樣貌時,時裝設計師的性質就不那麼明顯。Lilian Kan話其實這2個特質是可以相輔相成:「美麗嘅外表係事業嘅阻礙,我完全唔會覺得係。有人會只是留意你的外表,而不理你的內在和作品好與否。但係我反而覺得,你容易引人注意嘅話,咪可以畀多啲嘢人咃睇囉。就算佢哋你留意我個樣先嘅話,其實佢哋深入了解嘅時候,佢哋都會睇到更多嘅我。」

工作以外,Lilian其實可以好搞笑。 (林迅景攝)

好多女仔都會話:「每個人淨係注意我外表,冇睇我內涵。我外表其實阻礙咗人哋留意我另一面。」Lilian就講咗自己的見解:「咩係阻礙呢,其實係你內涵唔夠。當人哋深入了解你嘅時候,就發現咗你係一個空殼。但係當你內涵豐富嘅時候,就絕對會更加耐人尋味。」

Speacial Thanks : Kanalili https://www.facebook.com/KanaLili.closet/



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。