【Happy Monday】夏天要減肥？運動女神教陪你行山又Workout

星期一有咩做？返工囉。咁你尋日放假又做咗啲咩？睇戲、約朋友食飯、行街、唱K？如果已經厭倦以上的所有娛樂活動，不妨跟住Sadelle Yeung 一齊上太平山山頂親親大自然。

Sadelle一直是一個「多產量」的全職模特兒。憑着她健康的形象大受廣告商歡迎。除了日常的商場活動，她接拍過的電視、平面廣告亦很多，例如六福珠寶、Citibank、L'oréal、Dermes、Hotel.com 、白兔牌、1010、Fortress、康鋅C等亦也找過她。工作之外，私底下亦係一個愛笑、愛看書、愛做運動的女生。因為愛做運動及旅遊的她時常分享生活點滴，所以都已經有過6萬粉絲追蹤。
Sadelle instagram : https://www.instagram.com/sadelle/

問及做model的原因時，Sadelle就話：「因為想發掘多啲自己唔同嘅一面，或者睇下自己可唔可以carry到唔同嘅嘢。」

由5年前起，Sadelle已經開始有做運動的習慣。原因其實同一眾男女一樣，體重增加而突然有一天肚腩現形。講起做運動的初期，其實上gym room玩吓「太空漫步機」、「跑步機」等比較輕鬆的運動。其實發覺效果不如預期才開始轉做重量訓練及高強度間歇運動（影片中有介紹了三個簡單的動作）。當然做人一定會得一想二，所以行山或是公園跑步之餘，亦可以試試這些運動。

行山之餘，Sadelle亦分享了一些行山小貼士：「夏天行山一定要帶足夠嘅水，有時候路程3-4小時可能會有啲肚餓，我覺得可以帶啲桃、梨之類嘅生果，飽得嚟又補足水分。」另外Sadelle亦都提醒行山應該穿着合適的鞋以及準備地圖指南針。更重要的一點是，原來佢平日行山鍾意行石澳龍脊，因為終點就係沙灘可以順便曬太陽咁話。