美斯缺陣｜孔德賢嬲爆不接受因傷解釋：踢得波多嘅人都有炎症啦
撰文：吳子生
出版：更新：
孔德賢（Danny)今日（5/2）現身打鼓嶺雲泉仙館出席無線熱播劇集《本尊就位》之「向呂祖祈」宣傳活動。提到昨日（4/2）「香港隊VS 國際邁阿密CF表演賽」在一片噓聲中結束，「球王」美斯疑因傷 未有落場，有球迷不滿怒斥「世紀大騙案」、高呼 「回水」。港府隨即發聲明指「極度失望, 主辦單位欠球迷一個解釋」。
美斯缺陣惹爭議。(資料圖片)
熱愛足球運動的孔德賢就事件接受《香港0》訪問時表示：「其實好多人都係食住個炒價去買飛去睇佢，有啲人用2萬蚊去買，你知唔知2萬蚊已經可以去好多地方旅行。其實佢點都出嚟郁幾分鐘都要啦，講真佢講話膝頭有炎症，其實踢得波嘅人都有炎症啦，講真踢得波多嘅人，點都有啲位會唔舒服嘛，但影唔影到佢落嚟先。唔好講話你落場踢5分鐘，你換件初落場射球罰球都好呀，佢落場3分鐘，我哋香港人都受，但係佢連鞋都冇換，而且連蘇亞雷斯都唔派落場，我睇到好㷫，差啲將掟爛部電視，我係一路睇一路鬧。無論點都好，都要有一個交代，而我覺得尋日香港係一個好團結嘅一日，上至政府，下至市民都好團結。」
孔德賢知道美斯缺陣感到很失望。（吳子生攝）
+4