廉政行動 ｜羅子溢過於慈父怕愛女誤入歧途 新劇原與鄭啟泰合作
撰文：鄺鈺瑩
出版：更新：
羅子溢自2022年初拍完《婚後事》後，直到今年才接TVB新劇。（陳順禎攝）
羅子溢今午（7日） 出席新劇《廉政行動 2024》拜神儀式，此劇是他前年簽約做親生仔後首部作品，他表示今年應該會比較多作品，有機會忙到9月，又笑言自己是「養兵千日，用在一時」，又解釋去年因出埠拍《家族榮耀》，之後到老婆拍劇，於是自己要接捧照顧仔女，而老婆昨日終於放假回港，一家四口齊人過年。
楊茜堯（前名楊怡）開劇時，羅子溢負責照顧小朋友，但他認為自己太過慈父，怕會令女兒誤入歧途。（IG圖片）
講到一對仔女，羅子溢表示：「個女喺我帶領下，特別有性格，好似都係媽媽帶領會好啲，我驚我會令佢誤入歧途。我其實對佢嚟講係玩具供應商，佢而家會『爸爸，我想要咩咩咩，你幫我買』佢表達得好清晰。」
羅子溢同蔡潔在劇中飾演不同個案的證人，但同樣都遭到追殺。（陳順禎攝）
日前突然離世的鄭啟泰原本有份為劇集演出，現在其角色需要找人頂替，羅子溢表示因老婆關係而與對方認識。「佢係好健談、好樂觀嘅人，嗰日聽到消息時，我哋兩公婆個心都好唔舒服，因為老婆拍緊套劇都同佢有合作。」