向海嵐原來係王賢誌表姨入行數年才相認 曾親解與向華強關係
撰文：林得懿
出版：更新：
向海嵐係王賢誌表姨。（IG圖片）
向海嵐昨晚在社交網上載與王賢誌合照，並發帖表示「表兒甥聯同表姨向大家一齊拜年。99年參選港姐入行嘅向海嵐，曾在節目中透露一直唔知同王賢誌有親戚關係，直到2005年兩位媽媽碰頭，才得悉兩人原來是表姨甥關係，而向海嵐雖然年紀比王賢誌小，但輩份卻比對方高。」
向海嵐曾解釋媽媽與王賢誌舅母媽媽認識，二人因姻親而成為無血緣關係嘅親戚。
而王賢誌另一位圈中親戚，則是表兄弟關係嘅鄭嘉穎，過往不少觀眾都認為嘉穎都一樣稱呼向海嵐做表姨，但事實是王賢誌的爺爺跟嘉穎的婆婆是兄妹關係，跟王賢誌的媽媽沒有直接親戚關係，不過正所謂親戚不嫌多，算得上「疏堂」表姨甥關係，大家都是一家人。
兩位不時同框。（資料圖片)
不過一講到姓「向」，大家都會聯想到「龍五」向華強，甚至在網上搜尋「向海嵐」，就會自動出現「向華強」的相關字，不過呢個謎向海嵐幾年前亦親自解答過：「可能只是姓氏比較特別先會有呢個誤會，但其實冇關係，其實我個姓係爸爸改，我爺爺唔係姓向，我就沿用佢個姓，我個名好有詩意，大家容易記得我，亦因為個名好意頭，之後都接到樓盤廣告同海南島美食廣告！」
至於同鄭嘉穎，應該短期內都唔會同框了 。（IG圖片）