周奕瑋嚴刑逼供許文軒 終極澄清與麥美恩緋聞︰佢咁多仔
撰文：洪曉璇
出版：更新：
無綫娛樂新聞台專訪昨晚（12日）大年初三播出四大元祖主播專訪，兩位元祖級主持周奕瑋（Jarvis）、麥美恩（Mayanne）在剛過去的《萬千星輝頒獎典禮2023》分別奪得最佳男女主持獎項，為娛樂新聞台爭光，現役主播許文軒（Edmond）及潘盈慧（阿盈）為慶祝好友得獎，四人到了海景餐廳邊歎好西，邊大談入行經歷，並輪流爆秘密互相「傷害」，足見友誼深厚。
四大元祖主播獲娛樂新聞台請食好西，慶祝Jarvis及Mayanne奪得最佳男女主持。
Mayanne爆Edmond初相識就同佢講失戀經歷！
許文軒麥美恩鬥數不是？！
Jarvis之前失戀，Edmond有陪佢遊泰國散心。
在Jarvis嚴刑逼供下，Mayanne狂數Edmond缺點，指Edmond比女人更「娿哿」！
談到Mayanne和Edmond這對緋聞情侶從不避嫌，Jarvis遂主持上身追問二人相識經過，女方透露初相識時男方曾傾訴自己失戀，Jarvis聞言即一語中的：「佢想溝你呀？！佢從來冇同我講分手。」
阿盈及Jarvis聽到超驚訝，話Edmond從來唔同佢哋提感情事。
Edmond「投訴」Mayanne「多仔」，揚言唔鍾意男仔朋友多嘅女仔！
其後再問為何兩人不是對方杯茶，Mayanne直指Edmond是「煩人」，比女人更「娿哿」；Edmond則難忍Mayanne異性多：「佢咁多仔，我唔鍾意多男仔朋友嘅女仔。」
Jarvis被爆表裏不一？
近年成為金牌司儀並被指勇奪最佳男主持實至名歸的Jarvis，雖然已算主持界老手，但就被爆原來面對大騷或做節目時仍有緊張時刻，並會做出𢱑手及玩弄頭髮兩個小動作；之後談及結婚話題時，Jarvis竟不自覺地即席「示範」相關動作，場面搞笑。
Jarvis原來一緊張就會𢱑手同玩弄頭髮，好Cute。
幕後人員要求眾人指出最毒舌的一人，Jarvis再次成為被攻擊對象，Jarvis對此反擊：「呢啲唔係毒舌，係轉數快，你哋冇就唔好咁啦。」阿盈和Mayanne繼而笑指Jarvis是雙面人，表面和諧做「Yes Man」，背後卻向眾人呻到樹葉都落埋！
Jarvis被推舉為四人之中最毒舌。
Edmond祝願阿盈可以擁有屬於自己嘅個人節目，勁sweet。
適逢新春，當然要講好說話！講完一輪壞話，大家互相祝福對方，Edmond祝願同樣入行多年的資深主持阿盈能擁有個人節目：「因為成日覺得阿盈默默做默默做，大家都忽略咗佢，我覺得係時候要睇到阿盈嘅光芒。」Mayanne則祝願阿盈終有一日能奪最佳女主持寶座。
阿盈祝願Mayanne可以「撇甩」Edmond，覓到真正如意郎君。