周啟生點名狠批陳蕾現場表現：唱歌近乎離晒譜咁走音
撰文：鍾路淂
出版：更新：
2009年參加選秀節目《亞洲星光大道》，入行14年的陳蕾（Panther）終闖出一片天，年初勇奪「叱咤樂壇女歌手」金獎，日前更首踏紅館舉行一連四場《念》演唱會。不過樂壇前輩周啟生突然發文批評，直指：「聽佢現場嘅表演，真係嚇咗我一跳。」
陳蕾（Panther）日前首踏紅館舉行一連四場《念》演唱會。（資料圖片）
陳蕾（Panther）四場紅館演唱會座無虛席。（資料圖片）
陳蕾（Panther）獻唱多首歌曲氣氛熱烈。（資料圖片）
周啟生在Facebook發文：「有朋友send咗一啲links俾我，係一個女仔嘅演唱會，女歌手叫陳蕾。我之前曾經聽過一兩隻佢嘅 歌，聽唱片製作又真係幾好聽！音樂，歌詞，唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。如果我冇記錯，早排佢攞咗最受歡迎嘅女歌手獎。」
周啟生批陳蕾彈結他甩皮甩骨。（資料圖片）
周啟生批陳蕾彈結他甩皮甩骨。（資料圖片）
此文用詞可謂狠批，周啟生坦言：「本來人哋開演唱會係可喜可賀，我冇心將佢攞嚟評頭品足，不如我問吓你哋，如果你聽過佢今次嘅演唱會，又或者睇過片段，#我唔想討論演唱會燈光有幾靚#今次話題唔係講舞台有幾華麗我淨係想聽大家覺得佢唱歌點？？」惹來熱烈討論，周啟生回應：「我都覺得我耳仔有問題，我淨係聽到佢叫啫！不停咁叫！我當茶餘飯後講吓笑，大家唔使太認真！」
周啟生批陳蕾留言全文。（周啟生facebook）
周啟生批陳蕾留言全文。（周啟生facebook）