【疫境求存】Party Room開業半個月即遭煞停 兩日變身由蝕轉賺

撰文:黃皓琳
出版:更新:

疫情稍稍緩和,政府放寬更多餐飲、娛樂場所的限聚措施,不過派對房間(Party room)卻不在放寬之列。任職空少的King,因為疫情而「停飛」,遂與大學時期認識的好友Candice決定疫市創業,於今年6月底在觀塘一幢工廈開設Party room。惟不足兩周,第三波疫情爆發,政府宣布7月15日起實施一連串收緊防疫措施,King坦言當刻「好徬徨」。不過,他們即時變招,生意出乎意料地「由蝕轉賺」。

因疫情開業 也因疫情停業

「我大學時一直都有個創業夢,嗰時已經好想開Party room,香港地方又唔夠,我地呢啲年輕人好想擁有自己既私人空間,可以享樂同休息,好彩搵到佢(Candice)肯夾份。」King表示,疫情下工作幾乎停頓,在學的Candice課堂一律轉以網上形式授課,兼職工作亦因為「WFH」而暫停,主要收入來源被切斷,同時有大量空餘時間,故決定創業。

二人大約投入了10萬元資金,包括以月租約1.2萬元,租用觀塘一工廈約560方呎的樓面。Candice指,「初初諗住疫情初期,大家唔敢係公園、餐廳呢啲公眾地方逗留太耐,Party room可以畀佢地逗留,又可以同朋友聚下。」殊不知,開業約半個月,只有約6、7單生意。後來疫情反彈,政府更索性禁止Party room開業。

平均兩日才有一單生意

因為疫情而開業,也因為疫情而停業。「當初有8人限聚,我地就推出包場優惠,但當限聚令由4人再收緊至2人、再到停業,連政府第二波既防疫抗疫基金援助,也因為我地趕唔上開業,而申請唔到資助。」只靠底薪過活的King直言,「幾乎拎曬成份糧去交租」。

二人在疫情間「好得閒」,King(左)工作幾乎停頓,而Candice的課堂亦轉以網上形式。

「疫境」轉型 兩日大變身

凡事總有出路,既然不能繼續營業,他們開始研究發展其他業務的可能。King直言,「做生意唔可以坐喺度等疫情過,而係要靈活多變,呢個靈活係真係即時、立刻」。

所以,他們決定把派對房間改裝成辦公室,以較相宜的價錢為朋友提供工作場地,既可作寫字樓、會議用途,也有分間細房作為貨倉,再靠一些人脈,做音響或外國代購生意,收入比停業前多兩倍,扣除成本後收入由虧轉盈。

「我地用左兩日時間改裝,先係將兩星期前辛辛苦苦搬番黎既梳化賣走,然後又係網上搵辦公室檯櫈,幾個人合力搬番黎,即刻開始接生意。」King笑指,「好辛苦!以為開舖之後就唔洗再搬。」

雖然生意未上軌道,但他們認為是一次寶貴經驗,也更了解未來發展方向,「真係要肯捱,解封(防疫措施)之後又要做番派對房間,又要再搬過,但都冇得怕辛苦」。Candice續指,「雖然賺唔多,但都叫捱過左一段時間,達到收支平衡,夠俾租金之餘,仲有少許利潤。」

King形容他們是塞翁失馬,焉知非福,在「疫境」下尋找到新的出路,當刻除了等待派對房間解封外,亦會準備優化現時的業務,希望可以「愈做愈大」。